“BREADLY” tarmog'ining doimiy mijozlari uchun sodiqlik dasturi shartlari

1. UMUMIY QOIDALAR

1.1. Ushbu “BREADLY” tarmog‘ining doimiy mijozlari uchun sodiqlik dasturining shartlari (bundan buyon matnda “Shartlar” deb yuritilad) “BREADLY” tarmog‘ining sodiqlik dasturida (bundan buyon matnda “Sodiqlik dasturi/dastur” deb yuritiladi) ishtirok etish shartlari va tartibini belgilaydi. Ushbu Dastur o‘z Ishtirokchilariga BREADLY tarmog‘iga tashrif buyurganlarida noyob va eksklyuziv imtiyozlarga ega bo‘lish, jumladan, ushbu Shartlarga muvofiq ball to‘plash va ulardan foydalanish, Chegirmalar va Imtiyozlar olish huquqini beradi;

1.2. Sodiqlik dasturi 2025-yil 1-apreldan 2025-yil 31-dekabrgacha avtomatik ravishda uzaytirish imkoniyati bilan amal qiladi;

1.3. Ushbu Shartlar O‘zbekiston Respublikasi Fuqarolik kodeksining 367 va 369-moddalariga muvofiq ommaviy oferta hisoblanadi. Ommaviy ofertani akseptlash muddati cheklanmagan;

1.4. Sodiqlik dasturi Ishtirokchilari tomonidan olingan bonus ballari O‘zbekiston Respublikasi Soliq kodeksining 369-moddasi ikkinchi qismi 14-bandiga to‘g‘ri keladi va Kompaniya tomonidan “BREADLY” tarmog‘i Mijozlarining tovarlar va xizmatlarni sotib olishdagi faolligini oshirish maqsadida tashkil etiladigan sodiqlik dasturining bir qismi hisoblanadi;

1.5. Ishtirokchi Sodiqlik dasturining axborot tizimida ro‘yxatdan o‘tgan paytdan boshlab Kompaniya bilan munosabatlarga kirishadi, ushbu Shartlarni to‘liq va so‘zsiz qabul qiladi, ularga rioya qilish majburiyatini oladi va ushbu Shartlarga muvofiq imtiyozlar olish huquqiga ega;

1.6. Sodiqlik dasturi O‘zbekiston Respublikasi hududida “BREADLY” tarmog‘ida ishlaydi va barcha filiallarga tatbiq etiladi, agar ushbu Shartlarda aksinchasi nazarda tutilgan bo‘lmasa;

1.7. “ARTISAN BREAD” MChJ (bundan buyon matnda “Kompaniya” deb yuritiladi), Ishtirokchilarni o‘zgartishlar kuchga kirishidan kamida 7 (etti) kalendar kun oldin xabardor qilgan holda Kompaniyaning rasmiy kanali orqali tegishli xabarnomani e’lon qilish orqali bir tomonlama tartibda ushbu Sodiqlik dasturi shartlariga o‘zgartirish kiritish huquqini o‘zida saqlab qoladi.

2. ATAMA VA TA’RIFLAR

2.1. “Aksiya”/“Maxsus taklif” – “BREADLY” tarmog‘i mijozlarining xaridlarini va faolligini rag‘batlantirish maqsadida Kompaniya tomonidan o‘tkaziladigan vaqtinchalik yoki boshqa xarakterdagi marketing tadbiri. Chegirmalar, sovg‘alar, tanlovlar va boshqa shunga o'xshash tadbirlarni o‘z ichiga olishi mumkin;

2.2. “Bonus ball” – amaldagi milliy valyutaning 1 so‘m ekvivalentiga mos keladigan va Dastur shartlariga muvofiq Ishtirokchining Bonus hisob raqamiga o‘tkaziladigan, BREADLY tarmog‘i filiallarida xaridlar uchun to‘lovlarni amalga oshirish mumkin bo‘lgan hisob birligi;

2.3. “Depozit Balli” – amaldagi milliy valyutaning 1 so‘mlik ekvivalentiga mos keladigan, Dastur shartlariga muvofiq Ishtirokchining depozit hisob raqamiga o‘tkaziladigan, BREADLY tarmog‘i filiallarida xaridlar uchun to‘lovlarni amalga oshirish mumkin bo‘lgan hisob birligi;

2.4. “Axborot tizimi” – Kompaniya tomonidan Ishtirokchilarni ro‘yxatga olish, ularning Hisoblarini yuritish, Tranzaksiyalarni qayd etish, shaxsga doir ma’lumotlarni ishlov berish va Kompaniyaning breadly.uz rasmiy korporativ veb-sayti, shuningdek, rasmiy Telegram boti @breadly_delivery_bot orqali sodiqlik dasturiga kirishni ta’minlash uchun foydalaniladigan dasturiy-texnik majmui;

2.5. “Mijoz” – “BREADLY” tarmog‘ida xaridlarni amalga oshiruvchi, lekin ushbu Shartlar bilan belgilangan tartibda Sodiqlik dasturida ro‘yxatdan o‘tmagan jismoniy shaxs;

2.6. “Kompaniya” – “ARTISAN BREAD” mas’uliyati cheklangan jamiyati, Sodiqlik dasturi tashkilotchisi, quyidagi manzilida joylashgan: Toshkent shahri, Mirzo Ulug‘bek tumani, Oqqo‘rg‘on ko‘chasi, 25 uy, Tel.: (78) 122 23 17;

2.7. “Rasmiy aloqa kanallari”:
• Kompaniyaning rasmiy korporativ veb-sayti: breadly.uz;
• Kompaniyaning rasmiy Telegram boti: @breadly_delivery_bot.

2.8. “Sovg‘a balli” - kompaniya o‘z xohishiga ko‘ra Ishtirokchining hisobiga kiritilishi mumkin bo‘lgan bonus ballari. Sovg‘a bonus ballari cheklangan amal qilish muddatiga yoki maxsus foydalanish shartlariga ega bo‘lishi mumkin, bu haqda Kompaniya bunday ballar berilganda Ishtirokchini xabardor qiladi;

2.9. “Imtiyoz” - Dastur Ishtirokchilariga Kompaniyaning ixtiyoriga ko‘ra taqdim etiladigan moliyaviy bo‘lmagan yoki eksklyuziv imtiyozlar, masalan, maxsus va/yoki ustuvor xizmat ko‘rsatish shartlari, shaxsiy takliflar, yangi mahsulotlarga yoki Kompaniya tadbirlariga erta kirish;

2.10. “Sodiqlik dasturi”/”Dastur” – “BREADLY” tarmog‘ining doimiy Mijozlarini xarid qilish yoki uning xizmatlaridan foydalanishga rag‘batlantirishga qaratilgan, Kompaniya tomonidan 'BREADLY' tarmog'i Mijozlarining bunday tovar va xizmatlarni sotib olishdagi faolligini oshirish maqsadida tashkil etilgan tadbirlar majmui;

2.11. “Chegirma” – “BREADLY” tarmog‘i filiallarida xaridlar uchun to‘lovni amalga oshirishda Dastur Ishtirokchilariga ko‘rsatiladigan tovarlar va/yoki xizmatlar narxini vaqtincha yoki doimiy pasaytirish;

2.12. “Hisob raqami” – Kompaniya tomonidan uning Axborot tizimida ushbu Shartlarga muvofiq ro‘yxatdan o‘tish vaqtida Ishtirokchi nomiga ochilgan hisob raqamlar. Hisob raqamlar Ishtirokchining Bonus, Depozit va Sovg‘a ballaridan foydalangan holda, tranzaksiyalarini qayd etish uchun ishlatiladi. Hisob raqami Ishtirokchining mobil telefon raqamiga bog‘langan;

2.13. “Tranzaksiya” – BREADLY tarmog‘ida tovarlar va/yoki xizmatlarni xarid qilishda, yoki Kompaniyaning ixtiyoriga ko‘ra ballarni yig‘ish yoki ishlatish bo‘yicha Ishtirokchi hisob raqamidagi operatsiya;

2.14. “Shartlar” - Sodiqlik dasturida ishtirok etishni tartibga soluvchi qoidalar va nizomlar, shu jumladan ro‘yxatdan o‘tish, ballarni hisoblash va hisobdan chiqarish, chegirmalar va imtiyozlar berish tartibi;

2.15. “Ishtirokchi” – “BREADLY” tarmog‘ida xaridlarni amalga oshiradigan va ushbu Shartlarda belgilangan tartibda Sodiqlik dasturida ro‘yxatdan o‘tgan va uning imtiyozlaridan foydalanish huquqiga ega bo‘lgan jismoniy shaxs.

3. SODIQLIK DASTURIDA ISHTIROK ETISH SHARTLARI

3.1. Dasturda ro‘yxatdan o‘tish vaqtida 16 yoshga to‘lgan har qanday jismoniy shaxs Sodiqlik dasturining Ishtirokchisi bo‘lishi mumkin.

3.2. Dastur Ishtirokchisi bo‘lish uchun Rasmiy aloqa kanallari orqali ro‘yxatdan o‘tish zarur. Ro‘yxatda muvaffaqiyatli o‘tgandan so‘ng, Ishtirokchiga QR-kodli ro‘yxatga olish raqami beriladi, uni “BREADLY” chakana savdo tarmog‘ida xaridlarni amalga oshirishda ko‘rsatish mumkin.

3.3. Shu bilan birga, 2025-yil 01-aprel holatiga ko‘ra, Kompaniyaning Axborot tizimida allaqachon ro‘yxatdan o‘tgan Mijozlar avtomatik tarzda Sodiqlik dasturi Ishtirokchisiga aylangan va ularga ushbu Shartlar qo‘llaniladigan.

3.4. Sodiqlik dasturida ishtirok etish ixtiyoriydir. Ro‘yxatdan o‘tish varaqasini quyidagi ma'lumotlar bilan to‘ldirish zarur: to‘g‘ri telefon raqami, shaxsni tasdiqlovchi hujjatlarga ko‘ra ismi, familiyasi va tug‘ilgan sanasi. Ro‘yxatdan o‘tish orqali, Ishtirokchi shaxsga doir ma’lumotlarining ishlov berilishiga rozilik bildiradi. Sodiqlik dasturi Ishtirokchilarining shaxsga doir ma’lumotlariga ishlov berish Kompaniya tomonidan “Shaxsga doir ma’lumotlar to‘g‘risida”gi O‘zbekiston Respublikasi Qonuniga muvofiq amalga oshiriladi;

3.5. Ro‘yxatdan o‘tgandan so‘ng, Kompaniyaning Axborot tizimida Ishtirokchi nomiga Hisob raqami ochiladi, u Ishtirokchining mobil telefon raqamiga bog‘lanadi va tegishli ballarini qayd etish uchun ishlatiladi.

3.6. Agar Ishtirokchi:
3.6.1. Sodiqlik dasturining ushbu shartlariga rioya qilmasa;
3.6.2. Mazkur Shartlarni bajarishdan bo‘yin tovlash maqsadida insofsiz xatti-harakatlar sodir etsa;
3.6.3. Sodiqlik dasturi doirasida unga taqdim etilgan afzalliklardan suiiste’mol qilsa;
3.6.4. Kompaniyaga, shu jumladan ro‘yxatdan o‘tishda chalg‘ituvchi yoki notog‘ri ma’lumotlarni taqdim etsa;
3.6.5. Kompaniyaning ishchanlik obro‘siga putur yetkazuvchi ma’lumotlarni tarqatsa,
Kompaniya o‘gzaki va yozma tushuntirishlar bermasdan o‘z xohishiga ko‘ra Sodiqlik dasturida ishtirok etishni rad etish yoki bekor qilish huquqini o‘zida saqlab qoladi.

3.7. Sodiqlik dasturi B2B subyektlari va Kompaniyaning ta’lim bo‘limi dasturlariga nisbatan amal qilmaydi;

3.8. Sodiqlik dasturi alkogol va tamaki mahsulotlariga nisbatan amal qilmaydi;

3.9. Sodiqlik dasturi uchinchi tomon yetkazib berish agregatorlari orqali buyurtma qilingan mahsulotlarga nisbatan amal qilmaydi.

4. SODIQLIK DASTURIDA ISHTIROK ETISH DARAJASI

4.1. Ishtirokchi Dastur doirasida, “BREADLY” tarmog‘idagi xaridlarning umumiy miqdori bilan belgilanadigan Sodiqlik dasturida ishtirok etishning uchta darajasidan biriga ega bo‘lishi mumkin:
4.1.1. Ishtirok etishning 1-darajasi (“qora”) – 1 000 000 (bir million) so‘m miqdoridagi xaridlarni amalga oshirgandan so‘ng, Ishtirokchiga avtomatik ravishda beriladi. 1-daraja tayinlangandan so‘ng, barcha keyingi xaridlar umumiy summasining 5% miqdorida Bonus ballari Ishtirokchining hisobiga o‘tkaziladi;
4.1.2. Ishtirok etishning 2-darajasi (“kumush”) – 5 000 000 (besh million) so‘mlik umumiy xaridlarni amalga oshirgandan so‘ng Ishtirokchiga avtomatik ravishda beriladi. 2-daraja tayinlangandan so‘ng, barcha keyingi xaridlar umumiy summasining 7% miqdorida Bonus ballari Ishtirokchining hisobiga o‘tkaziladi;
4.1.3. Ishtirok etishning 3- darajasi (“oltin”) – 10 000 000 (o‘n million) so‘mlik umumiy xaridlarni amalga oshirgandan so‘ng Ishtirokchiga avtomatik ravishda beriladi. 3-darajaga erishgandan so‘ng, barcha keyingi xaridlar umumiy summasining 10% ga teng Bonus ballari Ishtirokchining hisobiga o‘tkaziladi.

4.2. Ishtirokchi ro‘yxatdan o‘tgandan so‘ng, Sodiqlik dasturi doirasida amalga oshirgan barcha xaridlar umumiy hisobda yig‘iladi va tegishli darajani aniqlashda hisobga olinadi;

4.3. Agar Ishtirokchi 540 kundan ortiq vaqt davomida “BREADLY” tarmog‘ida telefon raqamiga biriktirilgan birorta buyurtmani amalga oshirmasa, Sodiqlik dasturi doirasida erishilgan darajalari bekor qilinadi;

4.4. Kompaniya cheklangan miqdordagi Ishtirokchilarga “BREADLY” tarmoq filiallarida tovar va xizmatlarni sotib olishda Bonus ballari ko‘rinishidagi rag‘batlantirish o‘rniga Chegirmalarni taqdim qilish huquqini o‘zida saqlab qoladi. Bunday chegirma miqdori har bir Ishtirokchi uchun alohida va Kompaniyaning ixtiyoriga ko‘ra belgilanadi. Bunday holda, Bonus ballar hisobga olinmaydi va mavjudlari hisobdan chiqariladi.

5. BONUSLARNI HISOBLASH

5.1. Bonus ballar Ishtirokchining Sodiqlik dasturidagi amaldagi ishtirok darajasiga muvofiq ravishda, ushbu Shartlarning 4.1-bandiga asosan hisoblanadi;

5.2. Bonus ballari “BREADLY” tarmog‘ida mavjud bo‘lgan naqd va/yoki naqd pulsiz to‘lov usullari bilan to‘lashda beriladi;

5.3. Bonus ballari xarid qilinganidan keyin 2 ish kuni ichida Ishtirokchining hisob raqamiga o‘tkaziladi;

5.4. Kompaniya o‘z xohishiga ko‘ra cheklangan miqdordagi Ishtirokchilarga Sovg‘a ballarini berish huquqini o‘zida saqlab qoladi;

5.5. Kompaniya Sodiqlik dasturi Ishtirokchilari uchun yuzaga kelishi mumkin bo‘lgan soliq oqibatlari uchun javobgar emas.

5.6. Bonus ballari Kompaniyaning pul majburiyatlarini ifodalamaydi va amaldagi qonunchilikka muvofiq naqd pul yoki qimmatli qog‘ozlar sifatida talqin qilinishi mumkin emas.

6. BONUSLARDAN FOYDALANISH

6.1. To‘plangan bonus ballardan “BREADLY” tarmog‘ining barcha filiallarida, ovqatlanish bo‘limi doirasidagi buyurtmalar uchun foydalanish mumkin. Buning uchun kassada Ishtirokchiga berilgan QR-kod skaner qilinadi yoki buyurtmani qabul qiluvchi ofitsiantning mobil ilovasi orqali amalga oshiriladi;

6.2. To‘plangan bonus ballardan Kompaniyaning rasmiy veb-sayti yoki rasmiy Telegram-bot orqali joylashtirilgan buyurtmalar uchun ham foydalanish mumkin. Buning uchun to‘lov usuli tanlangan bo‘limda tegishli turdagi to‘lov turini tanlash lozim;

6.3. Bonus ballar bilan yakuniy chekning umumiy summasining 35% ko‘p bo‘lmagan miqdorini to‘lash mumkin;

6.4. Sodiqlik dasturi bo‘yicha to‘plangan bonus ballarining amal qilish muddati: ishtirok etishning 1-darajasi uchun – 183 kun, 2-darajasi uchun – 270 kun va 3-darajasi uchun – 365 kun;

6.5. Belgilangan muddatda hisoblangan Bonus ballaridan foydalanilmagan taqdirda, bunday ballar avtomatik tarzda bekor qilinadi;

6.6. Bonus ballarini uchinchi shaxslarga berish, o‘tkazish yoki naqd pul ekvivalentiga almashtirish mumkin emas;

6.7. Agar Sodiqlik dasturi Ishtirokchisi sotib olingan buyumni qaytarsa, xarid uchun to‘plangan bonus ballari tovar qaytarilgandan so‘ng Hisobdan yechib olinadi.

7. DEPOZITNI TO‘LDIRISH

7.1. Sodiqlik dasturi Ishtirokchilari, shuningdek, Hisobni Depozit ballari bilan to‘ldirish imkoniyatiga ega;

7.2. Kelgusi xaridlar uchun “BREADLY” tarmog‘ining istalgan filialidagi kassada to‘lash uchun Hisobingizni Depozit ballari bilan to‘ldirishingiz mumkin. Buning uchun Ishtirokchi “BREADLY” tarmog‘ining kassasida biriktirilgan QR-kodni taqdim etadi. Axborot tizimidagi Ishtirokchini aniqlash uchun Kassir QR-kodni skanerlaydi. Ishtirokchi Hisobga kiritmoqchi bo‘lgan summani ko‘rsatadi. Pul mablag‘lari kiritilgandan so‘ng, Depozit ballari ko‘rinishidagi summa 2 ish kuni ichida Ishtirokchining Sodiqlik dasturidagi Hisob raqamiga o‘tkaziladi;

7.3. Depozit ballari yakuniy chekning umumiy summasining 100 foizini to‘lash uchun ishlatilishi mumkin;

7.4. Mavjud Depozit ballari orqali Kompaniyaning rasmiy veb-sayti, shuningdek, rasmiy Telegram boti orqali berilgan buyurtmalar uchun to‘lovlarni amalga oshirish mumkin, tegishli bo‘limda kerakli to‘lov turini tanlash orqali.

8. ISHTIROKCHLARNING SHAXSGA DOIR MA’LUMOTLARIGA ISHLOV BERISH TARTIBI

8.1. Sodiqlik dasturining ishlashini ta’minlash uchun Kompaniya Dastur Ishtirokchilarining shaxsga doir ma’lumotlarini yig‘adi va ishlov beradi;

8.2. Sodiqlik dasturining Ishtirokchi bo‘lish orqali Mijoz ushbu Dastur shartlarini qabul qiladi, Kompaniyaning Axborot tizimiga o‘tkazilgan shaxsiy ma’lumotlarning haqiqiyligini tasdiqlaydi va uning shaxsga doir ma’lumotlarini yig‘ish va ishlov berishga rozilik beradi;

8.3. Sodiqlik dasturi Ishtirokchisi Kompaniya ro‘yxatdan o‘tish paytida taqdim etgan ma’lumotlardan quyidagi maqsadlarda foydalanishi mumkinligiga rozi bo‘ladi:
• Sodiqlik dasturi Ishtirokchisini aniqlash;
• Ballarni hisoblash va ulardan foydalanish bo‘yicha operatsiyalarni tekshirish;
• Yangi mahsulotlar, Aksiyalar, Maxsus takliflar va Sodiqlik dasturidagi o‘zgarishlar haqida xabarnomalar jo‘natish.

8.4. Aloqa usulini tanlash Kompaniyaning ixtiyorida qoladi;

8.5. Kompaniya Dastur Ishtirokchilarining shaxsga doir ma’lumotlarini oshkor qilmaslik va ularni uchinchi shaxslarga bermaslik majburiyatini oladi, O‘zbekiston Respublikasining amaldagi qonunchiligida nazarda tutilgan hollar bundan mustasno.

9. NIZOLARNI HAL QILISH TARTIBI

9.1. Kompaniya va Ishtirokchi o‘rtasidagi barcha nizolar muzokaralar yo‘li bilan hal qilinadi;

9.2. Agar Kompaniya va Ishtirokchi o‘rtasida yuzaga kelgan nizo muzokaralar orqali hal qilinmasa, u holda O‘zbekiston Respublikasining amaldagi qonunchiligiga muvofiq tartibda ko‘rib chiqiladi.